நட்பு வட்டம்

எதிர் வீட்டில் வசிப்பவர் யாரென்று

வருடங்களில் இன்னமும் தெரியாது

நண்பர்களாகச் சாப்பிடப் போன

இடத்தில்

அவரவர் தேநீருக்கு

அவரவரே காசு தருகிறோம்

எப்பொதும் தென்படுகிற வாட்ச்மேன்

சிநேகமாக சிரித்தால்

காசுக்குதானென்று எண்ணி

அப்படியே பழக்கப்படுத்துகிறோம்
அப்பாவிற்கு ஆனதைப் போல்
ரயிலில் சந்தித்த நண்பரென்று
யாரும் திருமண அழைப்பிதழோடு
வீடிற்கு வந்தது கிடையாது
நித்தம் பார்க்கிற மளிகைக்காரனிடம்
இரண்டு ருபாய் சில்லறை மீதத்தை
நான்கு புளிப்பு மிட்டாய்களோடு
முடித்துக்கொள்கிறோம் கவனமாக
facebook இல் மட்டும் என்னவோ
Hiew hui tang உட்பட
நான்கு நிலுவைகளையும் சேர்த்து
இருநூற்றி எழுபது நண்பர்கள்!!

நன்றி ப.ராமச்சந்திரன்